Путин 2018 жылы өтетін сайлау жайлы: Мен әлі ешқандай шешім қабылдаған жоқпын

Ресей Федерациясының президенті 2018 жылы өтетін президент сайлауына қатысуы жайлы әлі шешім қабылдамағанын мәлімдеді, - деп хабарлайды Кремль сайты.

Агенттіктің 2018 жылы өтетін сайлауға қатыса ма, жоқ па деген сұрағына жауап бере отырып, Путин қыркүйекте өтетін парламент сайлауының қорытындысын күту қажет екенін, сондықтан да президенттікке сайлауға түсу жайлы мәлімдеудің әлі ерте екенін айтты.

"Қазір заманауи әлемде бұл туралы айту зиян. Жұмыс істеу керек, алдымызға қойған мақсаттар мен жоспарларды жүзеге асыру керек. Халықтың өмір сүру деңгейін жақсартып, әлеуметтік-экономикалық жағдайдың дамуына үлес қосып, елдің қорғаныс қабілетін арттыру қажет. Осы мәселелерді қалай шешсек, солай 2018 жылы өтетін сайлауды қалай өткізетінімізді және оған кімнің қатысуы керек болатынын қарастырамыз. Мен әлі өзім үшін ешқандай шешім қабылдаған жоқпын", - деді Владимир Путин.