Путин мен Байденнің кездесуі әйгілі Ла Гранж вилласында өтеді

Ресей мен АҚШ президенттері Владимир Путин мен Джо Байденнің келіссөздері Швейцариядағы Ла Гранж вилласында өтеді. Бұл туралы Швейцария Сыртқы істер министрлігі мәлімдеді, - деп хабарлайды Tengrinews.kz тілшісі.

"Байден мен Путиннің кездесуі 16 маусымда әйгілі Ла Гранж вилласында өтеді. Швейцария екі елге де Женеваны таңдауда көрсеткен сенімі үшін алғыс білдіреді", - делінген Швейцария сыртқы саясат ведомствосының хабарламасында.

16 маусымда Женевада Ресей - АҚШ саммиті өтеді. Тараптар халықаралық күн тәртібін, аймақтық қақтығыстарды, сондай-ақ, коронавирус пандемиясымен күресті талқылайды.

Фото: REUTERS

Ла Гранж вилласы XVIII ғасырда салынған, ол Женева көлінің маңында орналасқан.

Фото: REUTERS

Reuters мәліметінше, Швейцария полициясы мен әскері вилланың айналасындағы екі саябақты жауып, баррикадалар мен тікенді сымдар орнатып қойған.

Фото: REUTERS

Фото: REUTERS

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!