Қырым референдумының ресми сайтына хакерлік шабуыл жасалды

Қырым референдумының ресми сайты АҚШ-тың DDoS-шабуылына тап болды, - деп хабарлайды Tengrinews.kz Lifenews сайтына сілтеме жасап."Бүгін түнгі бір шамасында біздің сайт соңғы буынды DDoS шабуылына тап болды. Біздің мамандар қауіпсіздікті қамтамассыз етіп, бұл шабуылдың қайдан жасалғанын анықтады. Олар Иллинойс штатының Урбане-Шампейн универсиетінен ресми сайттың серверін бұзбақ болған, - деп хабарлады Қырым референдумын ұйымдастырушылар. Естеріңізге сала кетейік, мұндай хакерлік шабуыл НАТО-ның сайтына да жасалған болатын. Ол шабуылды "КиберБеркут" тобы ұйымдастырғаны анықталған-ды.