Қытайда әйел жүріп келе жатқан жаяулар жолы опырылды

Қытайда әйел жүріп келе жатқан жаяулар жолы опырылды. Бұл оқиға бейнебақылау камерасына түсіп қалған, - деп хабарлайды CGTN телеарнасы. 

Оқиға жексенбіде Қытайдың солтүстік-батысындағы Ганьсу провинциясының Ланьчжоу қаласында болды. Кадрлардан жүріп келе жатқан әйелдің астындағы жаяу жолдың алдымен шытынап, кейін бірнеше метрге төмен қопарылып түскені көрінеді. 

Құқық қорғау органдары қызметкерлері зардап шегушіні шұңқырдан шығарып алды. Дәрігерлер оның қабырғасы сынғанын айтты.