+7 (777) 001 44 99
Қазақша
Русский
English
12 мамыр 2022 | 15:14
Ресейде бұрынғы министр Улюкаев колониядан шартты түрде босатылды
Ресейдің бұрынғы экономикалық даму министрі Алексей Улюкаев шартты түрде мерзімінен бұрын босатылуына байланысты Тверьдегі колониядан шықты, - деп хабарлайды Tengrinews.kz тілшісі.
ПОДЕЛИТЬСЯ
Ресейдің бұрынғы экономикалық даму министрі Алексей Улюкаев шартты түрде мерзімінен бұрын босатылуына байланысты Тверьдегі колониядан шықты, - деп хабарлайды Tengrinews.kz тілшісі.
Бұл туралы SOTA порталының Twitter-парақшасына жарияланды. Улюкаев №1 түзеу колониясында жазасын өтегені айтылды. Экс-министрді колония аумағынан джип көлігіне отырғызып алып шыққан. Улюкаевтың өзі журналистермен сөйлеспеген.
Бұған дейін 27 сәуірде Тверь қаласының Мәскеу аудандық соты Улюкаевтың шартты түрде мерзімінен бұрын босату туралы өтінішін қанағаттандырған болатын. Сот шешімі туралы хабарлама экс-министрге 28 сәуірде тапсырылған.
Еске салайық, Улюкаев Ресей тарихында жемқорлық ісі бойынша ұсталған алғашқы федерал министр болды. Ресей Федерациясы Экономикалық даму министрлігінің экс-басшысы 2017 жылы "Роснефть" өкілдерінен 2 миллион доллар көлемінде пара алу кезінде ұсталған. Улюкаев өзіне тағайындалған бас бостандығынан айыру мерзімінің шамамен 5,5 жылын өтеген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
