Reuters: АҚШ әскери-теңіз күштерінің екі кемесі Тайвань бұғазына кірді

АҚШ әскери-теңіз күштерінің екі кемесі Тайвань бұғазындағы халықаралық судан өтіп жатыр. Бұл туралы АҚШ-тың үш шенеунігі Reuters агенттігіне мәлімдеді, - деп хабарлайды Tengrinews.kz тілшісі.

Агенттіктің хабарлауынша, бұл АҚШ Өкілдер палатасының спикері Нэнси Пелосидің Тайваньға сапарына байланысты Қытаймен қарым-қатынастың шиеленісуінен кейін алғаш рет болды.

Кейінгі жылдары америкалық әскери кемелер, кейде Ұлыбритания мен Канада сияқты одақтас мемлекеттердің әскери кемелері бұл бұғаздан үнемі өтіп, Бейжіңнің ашуын тудырды. Бұғазға Chancellorsville және Antietam крейсерлері кірді.

Еске салайық, Тайвань төңірегіндегі жағдайдың шиеленісуіне тамыздың басында АҚШ Өкілдер палатасының спикері Нэнси Пелосидің аралға сапары себеп болған.

Бұдан кейін Қытай әскерилері Тайвань төңірегіндегі теңіз және әуе кеңістігінде жаңа әскери жаттығулар өткізетінін жариялады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!