Саакашвили Грузияда мемтөңкеріс жасамақ болды - партия төрағасы

"Грузинская мечта" партиясының төрағасы Ираклий Кобахидзе Грузияның экс-президенті Михаил Сакашвили елге оралып, мемлекеттік төңкеріс жасамақ болғанын айтты, - деп хабарлайды РИА Новости.

"Ол Грузияға мемлекеттік төңкеріс жасап, елде жаппай тәртіпсіздік тудыру үшін келді. Сәйкесінші тәртіп сақшылары оның бұл әрекетінің алдын алу үшін қамауға алды", - деді Кобахидзе журналистерге.   

Еске салайық, грузиялық БАҚ-тар елдің бұрынғы президенті Михаил Саакашвилидің ұсталғанын хабарлаған болатын. Желіде жарияланған видео кадрында полицейлер Саакашвилидің қолына кісен салып, Рустави қаласындағы түрмеге алып бара жатқаны көрсетілген

Сілтемесіз жаңалық оқисыз ба? Онда Telegram желісінде парақшамызға тіркеліңіз!