Сауд Арабиясында бір ай ішінде екінші ханзада қаза болды

Сауд Арабиясының король сарайы ханзада Бандар бин Фад бин Саад бин Абдулрахман Әл Саудтың көз жұмғанын жариялады, - деп хабарлайды РИА Новости жергілікті SPA агенттігіне сілтеме жасап. 

Ханзада сәрсенбі күні көз жұмған, ал бейсенбі күні оны жерлеген. Ханзаданың неден көз жұмғаны айтылмайды. 

Мұның алдында, 8 тамызда корль сарайы тағы бір ханзада Салман бен Абдаллаа бен Турки Әл Саудтың дүнеден озғанын жариялаған болатын. Eremnews агенттігі марқұмның туыстарына сілтеме жасап, ханзаданың 26 жаста болғанын және жүрек талмасынан көз жұмғанын хабарлаған болатын.

Сауд Арабиясының корольдік отбасында 25 мың адам бар, соның ішінде жеті мыңдайы ханзада.