Селфи түсірмекші болған қыз бен жігіт суға батып кетті

Бразилияда жас жұп құз үстінде селфи жасамақшы болып, суға кетті. Қызды құтқарып қалған, алайда оның жігіті қайтыс болды. 

Оқиға 15 сәуірде елдің оңтүстігіндегі Санта-Катарина штатының жағалауында болды. Сан-Паулу қаласынан келген 19 жастағы Аманда Мария Роке және оның ағасы 25 жастағы Леонардо Сантос Санта Мария шамшырақтың жанындағы құзға шыққан. Олар толқынның фонында суретке түспекші болған, - деп хабарлайды Daily Mail.

Олардың туысы Джефферсон да Консейсао құзға шықпай жағада қалып, оларды видеоға түсіріп тұрған. Бір мезетте толықн ол екеуін тұрған орнынан құлатып, су ағызып кеткен. 

Джефферсон құтқарушыларды шақырған, олар Аманданы аман алып қалып, жағаға шығарған. Ал Леонардоның денесін тек төрт күн өткеннен кейін тапқан. 

Қыз бала ағасының бірден есінен танып қалғанын және бірден суға кете бастағанын айтқан. Ол оның шашынан ұстап қалмақшы болған, алайда толқынның соққысы ұстап тұруға мүмкіндік бермеген.