Шешенстанда ұшақ пен көлік соғысқан сәттің видеосы пайда болды

Шешенстанда жеңілмоторлы ұшақ автомобильмен соғысты, - деп хабарлайды РИА Новости. 

"Тергеу нұсқасы бойынша, 2017 жылы 7 тамызда шамамен 18:30-да 44 жастағы жергілікті тұрғын СП-30 ұшағымен егіс алқабына дәрі шашу қызметін көрсетпекші болған. Ол автожолдан ұшып шығайын деп жол ережесін көрсетуші белгіні соғып, артынша ИЖ автокөлігіне соғысқан", - делінген Ресейдің Тергеу комитетінің мәлімдесінде. 

Ұшқыш дене жарақатын алған, сол себепті Шелковский аудандық орталық оңалту орталығына жеткізілген. Автокөлік жүргізушісі зардап шеккен жоқ. 

В Чечне даже аварии не такие, как в остальных уголках планеты. Станица Червленная pic.twitter.com/GdOeihgUky

— Magomed Edilsultanov (@batsuev) 7 августа 2017 г.

Шелковский аудандық орталық оңалту орталығының травматология бөлімінің кезекші маманы Камал Ялиамбетов ұшқыштың ауруханаға көптеген дене жарақатымен түскенін мәлімдеді. Болжаммен ол бір апта ішінде ауруханадан шығады.