Словакияда көлік жүргізушісі бір топ баланы қағып кетті

Словакияда автокөлік жүргізушісі 5-12 жас аралығындағы бір топ баланы қағып кетті, - деп хабарлайды РИА Новости полиция өкілі Даниэла Джобаникке сілтеме жасап. Жол-көлік оқиғасы салдарынан 12 бала зардап шекті. 

Оқиға Попрад қаласына жақын маңда болған. "Кежмарок қаласынан шыққан жүргізушісі жол апаты салдарынан зардап шеккен жоқ және де оның қан құрамынан алкоголь табылған жоқ. Болжаммен оның көлігі бұрылыс кезінде тайып, аударылып кеткен. Ары қарай сырғып барып ол бір топ сыған баланы қағып кеткен", - деді Джобаник. 

Екі бала айтарлықтай ауыр жарақат алды, төртеуі - орташа деңгейдегі жарақат, ал қалғандары - жеңіл жарақат алдған. Полицейдің айтуынша, балаларға көмекке екі тікұшақ келген және бірнеше жедел жәрдем көлігі жеткен. Полиция оқиғаның мән-жайын анықтап жатыр. 

© facebook.com/Polícia Slovenskej republiky