Снайпер бір оқпен ДАИШ-тың үш содырын атып түсірді - БАҚ

SAS британ арнайы бөлімшесінің снайпері бір оқпен ДАИШ-тың үш содырып атып түсірді. Бұл туралы The Daily Star өз дереккөзіне сілтеме жасап хабарлады.

Әскерилің оғы бірінші содырдың басына, екіншісіне кеудесіне тиіп, тесіп өткен де, қабырғадан кері серпіліп, үшіншісінің мойнына дарыған. Басылымның мәліметінше, бұл оқиға өткен жылдың қарашасында Мосул қаласының маңындағы ауылда болыпты.

Британ әскері тыңшылық рейд кезінде содырлардан қашқан бейбіт тұрғындарды көріп қалған. Лаңкестер адамдарға қару кезеген сәтте, әскерилер қарсы оқ ата бастаған.

Басылымның мәліметінше, бұл миллионнан бір кездесетін жағдай. Арнайы қызметтегі сарбаз L115A винтовкасынан атқан, ол 338 Lapua Magnum деген патронды қолданған. Ату қашықтығы 1800 метр болыпты.