Таиландта наразылық шарасы: Бангкокта ТЖ режимі жарияланды

Таиланд билігі соңғы күндері үкіметке қарсы наразылық шаралары салдарынан Бангкокта төтенше жағдай жариялады, - деп хабарлайды Bangkok Post газеті.

Басылымның мәліметінше, Бангкоктағы төтенше жағдай бейсенбіде күшіне енді. Наразылық білдірушілер Үкімет үйінің маныңдағы митинг орнынан кетіп жатыр.

Осылайша, демонстранттар 2014-2019 жылдары елді басқарған әскери үкіметтің саясатын, конституцияны өзгертуді және монархияны реформалауды жалғастыратын премьер-министр генерал Прают Чан-Очтың отставкаға кетуін талап етіп жатыр.

Reuters ресми құжатқа сүйене отырып, Таиланд билігінің бес адамнан тұратын топтардың жиналуына, сондай-ақ ұлттық қауіпсіздікке нұқсан келтіретін хабарламалар мен жаңалықтарды жариялауға тыйым салғанын айтады. 

Қазақстан жаңалықтары. Соңғы жаңалықтар. Telegram желісінде бізге жазыл!