+7 (777) 001 44 99
Қазақша
Русский
English
26 тамыз 2021 | 12:50
"Талибан" басты лауазымдарға ардагерлерді тағайындады - БАҚ
"Талибан" қозғалысында (Жоғарғы сот шешімі бойынша Қазақстанда тыйым салынған) басты министрлік қызметтерге қозғалыстың соғыс ардагерлері тағайындалды, - деп хабарлайды Tengrinews.kz тілшісі Reuters агенттігіне сілтеме жасап.
ПОДЕЛИТЬСЯ
"Талибан" қозғалысында (Жоғарғы сот шешімі бойынша Қазақстанда тыйым салынған) басты министрлік қызметтерге қозғалыстың соғыс ардагерлері тағайындалды, - деп хабарлайды Tengrinews.kz тілшісі Reuters агенттігіне сілтеме жасап.
"Талибан" ақпарат агенттігі мәліметінше, тәліптер ардагерлерді қорғаныс министрі, қаржы министрі және ішкі істер министрі лауазымына тағайындаған.
"Талибан" тағайындау туралы ресми түрде хабарлаған жоқ, бірақ Ауғанстанның Pajhwok агенттігі Гул Ага қаржы министрі, ал Садр Ибрагим ішкі істер министрі міндетін атқарушы болып тағайындалғанын хабарлады.
Al Jazeera телеарнасы "Талибан" қозғалысындағы ақпарат көзіне сілтеме жасап, бұрынғы Гуантанамо тұтқыны молда Абдул Кайюм Закир қорғаныс министрі міндетін атқарушы болып тағайындалғанын хабарлады.
Кабулдағы "Талибан" өкілі негізгі тағайындауларды растады, сонымен қатар провинциялардың губернаторлары Тәжікстанның ең тәжірибелі қолбасшыларының арасынан таңдалатынын айтты.
"Талибан" командирлерінің бірі министрлердің негізгі лауазымдарына кандидаттарды іріктеу туралы хабарды растады, бірақ олар әлі ресми түрде бекітілмегенін баса айтты.
"Кеше кешке президенттік сарайда кездесулер өтті, біз бұл мәселелерді талқыладық, бірақ тағайындауды мақұлдаған жоқпыз немесе жарияламадық", - деді командир (аты-жөні жасырылған).
Reuters агенттігі мәліметінше, Гул Ага "Талибан" қозғалысының қаржы комиссиясының басшысы болуы мүмкін. Ол БҰҰ комитетінің санкциялар тізіміне енгізілген. БҰҰ мен Интерполдың санкциялар туралы хабарламасында ол "Талибан" қозғалысының негізін қалаушы Мохаммад Омардың бала кезіндегі досы екені айтылады. Кезінде молда Омармен оның келісімінсіз ешкім кездесуге рұқсат берілмеген. Ол "Талибан" режимі кезінде Омармен бірге президент сарайында тұрған.
Абдул Кайюм Закир - "Талибан" ардагері, қолбасшы, сонымен қатар Омардың жақын адамы. Бұқаралық ақпарат құралдары мәліметінше, 2001 жылы АҚШ армиясының қызметкерлері Закирді ұстап, Баграм әскери базасындағы түрмеге жіберген, кейін Гуантанамо түрмесіне ауыстырылды. Ол 2007 жылы босатылып, Ауғанстан үкіметіне тапсырылды, кейін тәліптер жағында күресті жалғастырды.
Закир биыл тамызында Кабулға кіріп, президент сарайын басып алған "Талибан" әскерін басқарғаны айтылады. Ішкі істер министрі болып тағайындалған Садр Ибрагим де "Талибанның" негізгі мүшесі.
Бұған дейін "Талибан" басшылары Ауғанстанды басқару үшін 12 адамнан тұратын кеңес құруға ниетті екені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
