Таллинде ер адам банкке балтамен басып кірген

Эстония астанасында құқық қорғау органдарының қызметкерлері SEB (швециялық ірі банктердің бірі) банкіне балта ұстап, басып кірген ер адамды қолға түсірді, - деп хабарлайды RT сайты Delfi агенттігіне сілтеме жасап. 

Ер адам SEB банкінің бас кеңсесінің терезесін шағып, ішіне кірген. Сосын ол терминал мен бірнеше компьютерді қиратқан. Демалыс күні болғандықтан банкте ешкім болмаған. 

Оқиға орнына келген полицейлер оны ұстап, бөлімшеге жеткізген. Ер адамның мұндайға неге барғаны әзірге түсініксіз.