Тәліптер АҚШ-тан елдің ішкі істеріне араласпауды сұрады

"Талибан" (Қазақстанда тыйым салынған) көшбасшылары АҚШ делегациясымен келіссөз жүргізді. Тәліптер АҚШ-ты Ауғанстан әуе кеңістігін бұзбауға және елдің ішкі істеріне араласпауға шақырды, - деп хабарлайды РИА Новости.

Сонымен қатар, тәліптер АҚШ-тан гуманитарлық көмек көрсетуді және шетелдік активтерді ашуды сұрады.

Сенбіде Ауғанстан уақытша үкіметінің сыртқы істер министрі Амир Хан Моттаки Катарда америкалық делегациямен кездесуде "қарым-қатынастың жаңа парағын ашуды" талқылағанын айтқан.

Басылым мәліметінше, келіссөз жексенбіде жалғасады. 

АҚШ-пен алғашқы келіссөзден басқа, "Талибан" өкілдері Еуропалық Одақ делегациясымен кездесіп, кейінгі оқиғаларды талқыламақ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!