+7 (777) 001 44 99
Қазақша
Русский
English
26 тамыз 2021 | 09:25
Тәліптер ауғандарды Кабул әуежайына кіргізбей отыр
"Талибан" қозғалысы (Қазақстанда Жоғарғы сот шешіміне сәйкес, тыйым салынған) Кабул әуежайына Ауғанстан азаматтарын кіргізбей отыр, оған тек шетелдіктер ғана кіре алады. Бұл туралы РИА Новостиге мәдениет мәселелері жөніндегі "Талибан" комиссиясындағы дереккөз мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
"Талибан" қозғалысы (Қазақстанда Жоғарғы сот шешіміне сәйкес, тыйым салынған) Кабул әуежайына Ауғанстан азаматтарын кіргізбей отыр, оған тек шетелдіктер ғана кіре алады. Бұл туралы РИА Новостиге мәдениет мәселелері жөніндегі "Талибан" комиссиясындағы дереккөз мәлімдеді, - деп хабарлайды Tengrinews.kz тілшісі.
Дереккөз мәліметінше, жергілікті тұрғындар әуежай маңында тәртіп бұзған және барлық есік жабық. Әуежайға кіру, шетелдік азаматтығы бар ауғандарға қатысты қосымша ескерту шыққанға дейін жабылады.
Куәгерлердің бірі басылымға содырлар елшілік көліктерін кіреберісте тоқтататынын және ауған азаматтарын алып, әуежайға кіруге рұқсат бермейтінін айтты.
Бұған дейін БҰҰ-ның адам құқықтары жөніндегі жоғарғы комиссары Мишель Бачелет оның кеңсесінде "Талибан" содырларының өрескел заңбұзушылықтары туралы сенімді ақпарат бар екенін айтқан болатын. Ол бейбіт тұрғындарды тиісті сот шешімінісіз өлтіру, наразылықтарды басу және балаларды әскерге алу туралы айтты.
Бұған дейін "Талибан" қозғалысы қазіргі "Талибан" 20 жыл бұрынғыдан өзгеше екенін айтқан: Ауғанстанда билікке қол жеткізгеннен кейін содырлар адам құқықтарын, оның ішінде әйелдерді қорғауға, ешкімнен кек алмауға және жалпы есепке алуға уәде берген еді.
Кейінірек бұқаралық ақпарат құралдарында бұл ақпаратқа кері бірнеше жаңалықтар шықты. Мысалы, CNN телеарнасы "Талибан" өкілдері Ауғанстанның солтүстігіндегі Фаряб провинциясында бір әйелді 15 содырды тамақтандырудан бас тартқаны үшін өлтірді деп хабарлады.
Тәліптер жұмыс істейтін әйелдерге елде толық қауіпсіздік қамтамасыз етілгенше үйде отыруға, жұмысқа бармауға бұйрық берді. "Талибан" террористік тобының өкілі Забихулла Мужахид Кабулдағы баспасөз мәслихатында әйелдердің жұмысқа шығуына шектеу ұзаққа созылмайтынын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
