Токиода бір тәулікте 3 мың COVID-19 жұқтыру дерегі тіркелді - БАҚ

Олимпиада өтіп жатқан Жапония астанасы Токиода коронавирус инфекциясының рекорд көрсеткіші тіркелді, - деп хабарлайды Tengrinews.kz тілшісі РИА Новостиге сілтеме жасап.

Жергілікті "Майнити" газетінің мәліметінше, бір тәуллікте коронавирус инфекциясын жұқтыру бойынша жаңа жағдайлар саны үш мыңнан асқан.

Өз кезегінде NHK телеарнасы 2 848 адам вирус жұқтырғанын хабарлады.

Бұған дейін бір тәулікте тіркелген рекорд көрсеткіш - 2520 жағдай. Ол 7 қаңтарда байқалған.

Айта кетейік, Токио Олимпиадасы коронавирус пандемиясына байланысты бір жыл кейінге ауыстырылып, биыл 23 шілде мен 8 тамыз аралығында өтеді. Спорттың 33 түрінен 339 категорияны қамтыған бұл Олимпиада, тарихта ең ауқымды Олимпиада деген атпен қалмақ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!