Тойда қонақтар мен қалыңдық COVID-19 жұқтырды

Өзбекстандағы үйлену тойында қалыңдық пен 12 қонақ коронавирус жұқтырды, деп хабарлайды Tengrinews.kz тілшісі Sputnik Өзбекстан агенттігіне сілтеме жасап.

Оқиға Ташкент қаласындағы Юнусабад ауданында болған.

Денсаулық сақтау министрлігінің хабарлауынша, әйел 4 күн ішінде екі ұлын үйлендіріп, той жасаған. Алайда тойға қатысқан 12 қонақ пен қалыңдық коронавирус жұқтырған. Олармен байланыста болған ондаған адам карантинге алынды.

Сондай-ақ, басқа қонақтар COVID-19 вирусына тест тапсырып, стационардағы немесе үйдегі карантинге жатқызылған.

Бұл оқиға бойынша эпидемиологиялық тергеу жүріп жатыр.

Айта кетейік, Өзбекстанда коронавирус жұқтырғандар саны 6 мыңнан асты.