Трамп Ақ үйге келіп, видеоүндеу жасады

АҚШ президенті Дональд Трамп үш күн бойы коронавирустан емделген госпитальден шықты, - деп хабарлайды РИА Новости.

Трамптың тікұшағы Уолтер Рид атындағы әскер-теңіз госпиталінен шығып, Ақ үйдің маңына қонды.

Президент Ақ үйге жеткеннен өз жағдайын айтып, видеоүндеу жасады.

"Мен тәуекел барын, қауіп барын білемін, бұл - қалыпты жағдай. Қазір жағдайым жақсы. Мүмкін иммунитет бар шығар. Оған (вирусқа) өміріңізде басымдық бермеңіз, далаға шығыңыз, сақ болыңыз, бізде әлемдегі ең жақсы дәрілер бар... ал вакциналар жақында дайын болады", - деді Трамп.

pic.twitter.com/OxmRcZ5nUZ

— Donald J. Trump (@realDonaldTrump) October 5, 2020

Трамптың Ақ үйдің балконында түсірілген видеосы жақтастарын алаңдатты: олар Трамп демалуға қиналып тұр деп болжады. Шынымен, Трамп әрең тыныс алып тұрғаны көрінеді.

Сондай-ақ Трамп Ақ үйдегі баспалдақпен көтеріліп бара жатқанда тоқтағаны және бірден маскасын шешкені видеоға түсіп қалған.

Қазақстан жаңалықтары. Соңғы жаңалықтар. Telegram желісінде бізге жазыл!