Түркияда 85 миллион долларға бағаланған жекежайға кеме соғылды - видео

Т?ркияда Vitaspirit кемесі Босфор б??азында т?р?ан жекежай?а со?ылды, деп хабарлады РИА Новости.

Түркияда Vitaspirit кемесі Босфор бұғазында тұрған жекежайға соғылды, деп хабарлады РИА Новости.

Агенттіктің хабарлауынша, куәгерлер кеменің үйге барып соғылған сәтін видеоға түсіріп алған. Оқиға кеше Стамбулдағы Анадолухисар ауданында болды.

"Мысырдан Украинаға кетіп бара жатқан кеменің рөлі істен шығып, Сұлтан Мехмед Фатих көпірінің жанындағы үйге барып соғылды. Оқиғадан ешкім зардап шеккен жоқ, бірақ ғимаратқа айтарлықтай залал келді", - делінген жарияланымда.

Айта кетейік, қирап қалған үй XVIII ғасырда тұрғызылған және 85 миллион долларға бағаланыпты.