Түркияда болған жарылыстың салдарынан қаза тапқандар саны 50-ге жетті

Сенбі күні Түркияның оңтүстігіндегі Газиантеп қаласында үйлену тойы кезінде болған терактінің салдарынан қаза болғандар саны 50 адамға жетті, - деп хабарлайды Reuters агенттігі.

Осыған дейін 30-ға жуық адам қаза тауып, 100-ге жуық адам жараланғаны хабарланған болатын. Жарылыс үйлену тойы кезінде болған. Түркия президенті Режеп Тайип Ердоғанның айтуынша, бұл істі ДАИШ (Қазақстанда қызметіне тиым салынған террористтік ұйым) ұйымының содырлары жасаған болуы мүмкін.

Алайда жарылысты ешқандай террористтік ұйым өз мойнына алған жоқ.