+7 (777) 001 44 99
Қазақша
Русский
English
24 наурыз 2014 12:21
Түркия президенті Twitter-ге тыйым салуға қарсы
Түркия Президенті Абдулла Гүл Twitter микроблогына тиым салғаны үшін үкіметті сынға алды, - деп хабарлайды Tengrinews.kz "Газета.Ru" сайтына сілтеме жасай отырып. Гүлдің айтуынша, заңдық тұрғыда елде интернет-платформаларды өшіру заңсыз болып табылады. Сондай-ақ президент Twitter-ге тиым салынғанмен твиттердің саны одан сайын өскенін алға тартты. Алайда Түркияның премьер-министрі Реджеп Тайип Эрдоған әлеуметтік желілерді сынауды тоқтатар емес. "Facebook, YouTube және Twitter секілді әлеуметтік желілерден қарапайым адамдар қалай қорғану керектігін мен түсінбеймін", - деді Эрдоған. Оның айтуынша әлеуметтік желілер жалған ақпараттарға толы. Эрдоғанның айтуынша, осы әлеуметтік желілердің кесірінен Украина, Египет және осы Түркияда тәртіпсіздіктер орын алуда. Естеріңізге сала кетейік,Түркияда Үкіметтің бұйрығымен 22 наурызда ересектерге арналған Twitter желісі шектелген болатын. Алайда Үкіметтің наразылығы күнде компраматтық ақпарат жариялайтын негізгі екі аккаунтқа қатысты болып отыр.
Показать комментарии
Читайте также
