Түркия Украинаға ұшқышсыз ұшатын аппарат жеткізуді қате шешім деп атады

Түркияның Украинаға Bayraktar ұшқышсыз ұшатын аппараттарын жеткізуі үлкен қателік, - деп хабарлайды Tengrinews.kz тілшісі Son Dakika басылымына сілтеме жасап.

Бұл туралы Түркияның Vatan партиясының бас хатшысы Догу Перинчек мәлімдеді. Саясаткердің пікірінше, сайып келгенде, бұл қаруды Киев болашақта тек Ресейге ғана емес, Түркияның өзіне де қарсы қолданады.

"Түркияның Украинаға Bayraktar ұшқышсыз ұшатын аппараттарын жеткізуі үлкен қателік. Бұл қарулар түптеп келгенде, тек Ресейге ғана емес, Түркияның өзіне де қарсы қолданылады", - деді ол.

3 ақпанда Украина президенті Владимир Зеленский Киев пен Анкара Украинада түрік Bayraktar ұшқышсыз басқарылатын ұшақтарының өндірісін кеңейту туралы келісімге келгенін айтты. Саясаткер тиісті келісімге қол қою жаңа жұмыс орындарын ашып, еліміздің қорғаныс қабілетін арттыратынын айтты.

Vatan ("Отан") - Түркиядағы саяси партия. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!