Түркияда коронавирустан екінші адам қайтыс болды

Түркияның денсаулық сақтау министрі Фахреттин Коджа елде коронавирустың жаңа түрінен екінші адам қайтыс болғанын мәлімдеді. Соңғы тәулікте коронавирус жұқтырғандардың саны екі есе өскен, - деп хабарлайды РИА Новости. 

Министрдің сөзінше, Түркияда бір күнде коронавирус жұқтырғандардың саны 47-ден 98-ге өскен, оның біреуі қайтыс болған. 

"Бүгін екінші адам қайтыс болды. Ол - 61 жастағы ер адам. Тағы 93 адамның вирус жұқтырғаны анықталды. Коронавирустың жаңа түрін жұқтырғандардың жалпы саны - 191", - деді министр Фахреттин Коджа Twitter желісіндегі парақшасында. 

Еске салайық, Түркияда коронавирус жұқтыру дерегі алғаш 11 наурызда тіркелген. Ол - Еуропадан оралған ер адам еді. 

Ал коронавирустан алғашқы науқас кеше қайтыс болған. Ол - 89 жастағы науқас. Ол бұған дейін Қытайға барған жұмысшысынан вирус жұқтырған. 

Қазақстан жаңалықтары. Соңғы жаңалықтар. Telegram желісінде бізге жазыл!