Түрікменстанда экс-президенттің жылқысына ескерткіш қойылады

Түрікменстанда экс-президенттің жылқысына ескерткіш қойылады, - деп хабарлайды Turkmenportal.

Түрікменстанның жаңадан сайланған басшысы Сердар Бердімұхамедов Ашхабадтағы Ақалтеке ат кешенінің алдына Ақханның (экс-президенттің жылқысы) мүсінін орнату туралы қаулыға қол қойды. Құрылыс жұмыстары мамыр айында басталады, нысан желтоқсан айында тапсырылуы тиіс.

Ақхан - Гурбангулы Бердімұхамедовтың өзі баптаған ат. 2018 жылы бұл ат Гиннестің рекордтар кітабына енген. 

Еске салайық, 2020 жылдың қарашасында Гурбангулы Бердімұхамедов Ашхабадта итіне ескерткіш орнатқан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!