Twitter Қытай елшілігінің парақшасын ұйғырлар туралы жазбасынан кейін бұғаттады

Twitter Қытайдың АҚШ-тағы елшілігінің ұйғырлар туралы жазбасынан кейін ресми парақшасын бұғаттады. Бұл туралы Bloomberg агенттігі мәлімдеді, - деп хабарлайды Tengrinews.kz тілшісі.

Жазбада елшілік Бейжіңнің Шыңжаңдағы саясатын қорғап, бұл аймақта ұйғыр әйелдеріне бала көтеру мүмкіндігінен айыру жұмыстары жүріп жатыр деген айыптарды жоққа шығарған.

Ұйғыр әйелдері енді "бала туу бойынша машина емес" делінген жазба 7 қаңтарда жарияланған, алайда Twitter жазбаны бір тәуліктен кейін "Бұл твитті оқу мүмкін емес" деп өшіріп тастаған. 

Агенттік мәліетінше, Twitter аккаунтты қайтару үшін парақша иесінен мұндай жазбаларды өзі өшіруін сұраған. 

"Біз бұл твитте адамгершілікке қарсы саясатымызды бұзғаны үшін осы әрекетті жасадық", - дейді Twitter өкілі. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!