Украинадан қазақстандықтарды эвакуациялайтын алғашқы рейс 27 ақпанға шегерілуі мүмкін

Сыртқы істер министрлігі Украинадан келетін алғашқы рейс 27 ақпанға шегерілуі мүмкін екенін хабарлады, - деп хабарлайды Tengrinews.kz тілшісі.

Сыртқы істер министрлігінің ресми өкілі Айбек Смадияров алғашқы репатриациялық рейс 26 ақпанда таңертең жүзеге асырылады деп жоспарланғанын немесе 27 ақпанға шегерілетінін айтты.

"Біздің азаматтарды Польшаға тасымалдаған автобустар шекара өткелінде 7 сағаттан аса кептелісте тұр. Ішінде әйелдер мен балалар бар. Жағдайды түсініп тұрған шығарсыздар. Сондықтан барлығын сабырға шақырамыз. Алдағы уақытта басқа да репатриациялық рейстер ұйымдастырылады", - деді Смадияров.

Сілтемесіз жаңалық оқисыз ба? Онда Telegram желісінде парақшамызға тіркеліңіз!