Ұлыбританияда электр қуатының қымбаттауына байланысты мыңдаған паб жабылуы мүмкін

Ұлыбританияда пабтардың 70 пайыздан астамы электр қуатының қымбаттауына байланысты жабылуы мүмкін, - деп хабарлайды Tengrinews.kz тілшісі Morning Advertiser басылымына сілтеме жасап.

Басылым мәліметінше, энергетикалық дағдарысты шешу үшін шаралар қабылданбаса, пабтар өз шығындарын өтей алмайды.

Паб иелерінің 65 пайыздан астамы түскен табыс коммуналдық шығынды жаппай жатқанын, 80 пайызы электр энергиясы осылай қымбаттай берсе жабылатындарын айтқан.

Мекеме иелері үкіметті дағдарысты жеңуге көмектесу үшін бірқатар шаралар қабылдауға шақырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!