Ұлыбританиялық мұғалім 39 сағат рэп оқып, рекордтар кітабына енді

Испанияда мектеп мұғалімі болып жұмыс істейтін ұлыбританиялық ер адам 39 сағат, 37 минут, 54 секунд рэп оқып, Гиннесс рекордын жаңартты, - деп хабарлайды UPI сайты. 

35 жастағы Дэниел Алкон Валенсиядағы ең ұзақ рэп марафонында Гиннесс рекордын жаңартты.

"Жеңісіме үлкен үлес қосқан командама және оны тікелей эфирде көру үшін бір секунд уақыт бөлген адамдарға рақмет", - деді Алкон рекорды жарияланған кезде.

Алкон рэп марафонын YouTube-те тікелей эфирде көрсеткен.

Айта кетейік, алдыңғы рекорд 33 сағат, 33 минут, 16 секунд еді. Оны 2020 жылы америкалық рэп орындаушы Ватски орнатқан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!