Үңгір адамының мүсіні АҚШ тұрғындарын таңғалдырды

АҚШ-та үңгір адамы бар жұмбақ мұз мүсіні табылды, - деп хабарлайды Tengrinews.kz тілшісі Daily Mail сайтына сілтеме жасап.

АҚШ-тың Миннеаполис қаласындағы саябақтан табылған мүсін жергілікті тұрғындарды таңғалдырды. Олар оны бұрын пайда болған монолиттермен салыстыра бастады.

Алайда, жұмбақ мүсіннің монолиттерден айырмашылығы арт-объект екенінде. Оны саябаққа Leonic іс-шаралар безендіру компаниясы орнатқан. Мұзға ұқсас пластик қорапқа салынған Цуг Цуг атты үңгір адамын агенттік басшысы Зак Шумак жасаған.

"Мен күн сайын өз қоймамда оны көріп, осындай өнер туындысының босқа қалып бара жатқанына қынжылатынмын. Оны орманның бір жеріне қоюды бұрыннан ойлап жүрген едік", - деп түсіндірді ол.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!