Ұрып-соғу туралы видеодан кейін Сауд арабиясының ханзадасы ұсталды

Эр-Рияд полициясы Сауд Арабия королі Салманның жарлығымен корольдік династия өкілін қамауға алу туралы шешім шығарды. Оны ұстауға видеода ханзаданың адамдарға шабуыл жасағаны себеп болған, - деп хабарлайды РИА Новости Al-Ekhbariya телеарнасына сілтеме жасап. 

"Король Салман бен Абдельазиз Әл Сауд ханзада Сауд бен Абдул-Азиза бен Мусаид пен оның жанында видеоға түскен адамдарды ұстап, абақтыға қамау туралы жарлық шығарды. Олар өкілеттігін асыра пайдаланып, заңды бұзған", - деп хабарлайды телеарна. 

Эр-Рияд полициясы ханзаданы видео шыққаннан кейін ұстады, оның ұсталған сәтінде түсірілген видеоны Eremnews басылымы жариялады. Порталдың мәліметінше, 27 жастағы ханзада БАҚ назарына бірінші рет түскен. 

Жарлыққа сәйкес, құзырлы органдар куәгерлерден сұрау алып, тергеу жүргізуі тиіс.