Ханзада Гарридің ұшағына найзағай түсті - БАҚ

Ханзада Гарри мен оның жұбайы Меган Маркл отырған жеке ұшақты найзағай ұрды, - деп хабарлайды Tengrinews.kz тілшісі РИА Новости агенттігіне сілтеме жасап.

Оқиға өткен айда болды деп хабарланды. Ерлі-зайыптылар Dassault Falcon 7X реактивті бизнес-класс ұшағында Амстердамға бара жатқанда ұшаққа найзағай түскен.

Ұшақ Схипхол әуежайына қонған, апаттың салдарынан ешкім зардап шеккен жоқ. Әуежайдағы дереккөздерге сәйкес, ұшақ жөндеу жұмыстары мен қауіпсіздік тексерулері аяқталғанша тоғыз күн бойы ұшпаған.