Ыстамбұлда жарылысқа әзірленген жанкешті ұсталды

Ыстамбұлда өзін-өзі жарып жібермек болған жанкешті ұсталды. Бұл туралы Түркияның Ішкі істер министрлігі мәлімдеді, деп хабарлайды "Хабар 24".

Құзырлы органның мәліметінше, қаскөй Анас Аббуд Алшахи Бнаман есімді Ирак және Левант лаңкестік ұйымының мүшесі болып шықты. Бірақ оның қай елдің азаматы екені белгісіз.

Түркияда лаңкестік ұйымдарға қарсы операциялар жүріп жатыр. Осыған дейін елдің күштік құрылымдары осындай 12 әрекеттің алдын алған. Бұдан бөлек содырларға қаржылай көмек көрсеткен 4 адам мен лаңкестік ұйымның 4 мүшесі ұсталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!