Ыстамбұлдағы автобус аялдамасында жарылыс болды

Ыстамбұлда автобус аялдамасында жарылыс болды, - деп хабарлайды РИА Новости. Кем дегенде бес адам зардап шеккен.

Жергілікті БАҚ-тардың мәліметінше, жарылыс Везнеджилер қаласының орталық ауданында болған. Бірнеше адам зардап шекті. Шабуыл, болжам бойынша, полиция автобусына жасалған. Оқиға орнына жедел жәрдем барған.

NTV телеарнасының мәліметінше, алапат жарылыс Ыстамбұлдағы Бейазыд ауданында болған. Телеарна жарақат алғандардың бар екенін хабарлап отыр. Жарылыс арнайы қызмет сарбаздары отырған көліктің маңында болыпты. Жарылыстан кейін атыс болған.