+7 (777) 001 44 99
ПОДЕЛИТЬСЯ
Полиция өкілдері 13 жастағы "Балапан" телеарнасының жүргізушісінің өліміне қатысты тергеу жұмыстарын жүргізіп жатыр, - деп хабарлайды Tengrinews.kz тілшісі Нұр-Сұлтан қалалық полиция департаментінің баспасөз қызметіне сілтеме жасап.
Полиция өкілдері 13 жастағы "Балапан" телеарнасының жүргізушісінің өліміне қатысты тергеу жұмыстарын жүргізіп жатыр, - деп хабарлайды Tengrinews.kz тілшісі Нұр-Сұлтан қалалық полиция департаментінің баспасөз қызметіне сілтеме жасап.
Ведомствоның мәліметі бойынша, 13 жастағы Құтжан Бағлан жол жиегінде велосипедпен жүріп жол апатына ұшырады. Алған жарақаттарынан жасөспірім ауруханада қайтыс болды.
"10 мамырында сағат 17.30-да Қосшы ауылына қарай жол бойында жүк көлігі мен велосипед соқтығысып қалды. Кәмелетке толмаған велосипедші дене жарақатын алып, ауруханаға түскен. 16 мамырда ол қайтыс болды. ҚР ҚК 345-бабы "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша сотқа дейінгі тергеу жүріп жатыр. Тиісті сараптамалар тағайындалды", - деді Нұр-Сұлтан қалалық полиция департаментінің өкілі.
Сурет: Instagram.com/Maqpalzhumabay
Бұған дейін әлеуметтік желілерде Құтжан Багланның қатысуымен болған жол көлік оқиғасы туралы ақпарат пайда болды. "Балапан" телеарнасының директоры Мақпал Жұмабай Instagram желісіндегі аккаунтында 13 жастағы жүргізушінің мерт болғанын жазған.
