Алматыда 26 сәуір күні Қазақстан халқының бірлігі күні құрметіне велошеру өтеді, - деп хабарлайды Tengrinews.kz тілшісі қалалық дене шынықтыру және спорт басқармасына сілтеме жасап.
Алматыда 26 сәуір күні Қазақстан халқының бірлігі күні құрметіне велошеру өтеді, - деп хабарлайды Tengrinews.kz тілшісі қалалық дене шынықтыру және спорт басқармасына сілтеме жасап.
Велосипед жарысы әл-Фараби даңғылы мен Тәттімбет көшесінің қиылысынан сағат 08.30-да басталады. Жарысқа қатысушылар жарты сағат бұрын келіп жиналуы тиіс. Қазақстан халқының бірлігі күніне арналған велошеру ҚР Тұңғыш Президенті атындағы саябақта мәреге жетеді. Жеңімпаздарға естелік сыйлықтар табыс етіледі. Жарысты ұйымдастырушылар - Алматы әкімдігі мен "Алматы Универсиадасы - 2017" Атқару дирекциясы" мемлекеттік қоры. Велошеруге әдеттегідей қала әкімі Ахметжан Есімов те қатысады.
1 Мамыр - Қазақстан халқының бірлігі күні 1996 жылдан бері тойланады. ҚР Президенті Нұрсұлтан Назарбаев бұл күнді мерекелеу туралы жарлыққа 1995 жылдың 18 қазанында қол қойған. Айта кетейік, биыл бұл мейрамда қазақстандықтар мамырдың 1-інен 3-іне дейін демалады. Одан кейін Отан қорғаушы күні мен Жеңіс күні құрметіне отандастарымыз тағы төрт күн демалатын болады.
