Синоптиктер 2016 жылғы 14-16 қаңтарға арналған ауа райы болжамын жария етті, - деп хабарлайды Tengrinews.kz тілшісі "Қазгидромет" республикалық-мемлекеттік кәсіпорнына сілтеме жасап.
Қазақстанға суық әкелген антициклон шығысқа қарай жылжиды. Ал оның орнына Қара теңіз аудандарынан келетін кезекті циклон бұрқасын, қар жаууы, қатты жел секундына 15-25 метрге жетіп, көктайғақ әкеледі және бірінші батыста, ал 16 қаңтарда республиканың қалған аумағында температураның көтерілуі күтіледі.