30 қазан 2015 18:04

Биыл сәбилі болған қазақстандық жұлдыздар

ПОДЕЛИТЬСЯ

© sumypost.com © sumypost.com

Соңғы алты айда қазақстандық шоу-бизнес өкілдерінің бірқатары ата-ана атанды, - деп хабарлайды Tengrinews.kz тілшісі. Он бірдей жұп сәбилі болды.


Соңғы алты айда қазақстандық шоу-бизнес өкілдерінің бірқатары ата-ана атанды, - деп хабарлайды Tengrinews.kz тілшісі. Он бірдей жұп сәбилі болды.

Таяуда атақты әнші Ерлан Көкеев төртінші рет әке атанды. 44 жастағы музыкант пен оның жұбайы Анар Көкееваның тұңғыш ұлдары дүниеге келді. Әншінің үш қызы бар - Айгерім, Рената мен Сәтті. Нәресте 19 қазанға қараған түні дүние есігін ашты.

"КешYou" тобының экс-солисі Айдана Меденова ана атанды. Әнші мен оның жолдасы Әлішер Нұржанов тұңғыштарына Әмина деген есім берді.

Әнші Лидо үшінші сәбиін өмірге әкелді. Ұл бала Лос-Анджелестегі перзентханалардың бірінде туылды. Нәрестеге Рамис есімі берілді. Айта кетейік, әншінің Риана есімді қызы мен Рахман деген ұлы бар.

Белгілі шоумен, цирк әртісі Мұрат Мұтырғановтың тұңғыш баласы дүниеге келді. Қуанышты жайт 22 маусымда Алматыдағы перзентханалардың бірінде болды. Мұрат Мұтырғановтың өзі жұбайы Алеся босанған кезде жанында болған. Балаға Майкл деген ат қойылды.

Қазақстандық танымал әнші Мейрамбек Бесбаев екінші рет әке атанды. Әншінің Мархабат есімді жұбайы өмірге ұл бала әкелді.

Алмас Кішкенбаевтың екінші қызы дүниеге келді.

ҚР Еңбек сіңірген қайраткері, қазақстандық белгілі әнші әрі тележүргізуші Карина Абдуллина ана атанды. Өмірге келген ұл балаға Альберт деген есім берілді. Карина Абдуллина мен оның жолдасы ұлдарына бұл есімді Монако ханзадасы Альбертпен танысқаннан кейін беруді ұйғарған.

"Арнау" дуэтінің әншісі, актриса Салтанат Бақаева екінші ұлын өмірге әкелді.

"Қазақстан аруы" атағының екі бірдей иегері ана атанды - Айдай Исаева (2014 жыл) және Айнур Төлеуова (2011 жыл). Екі ару да өмірге ұл бала әкелді.

Сонымен қатар, қазақстандық шоу-бизнестегі жұлдызды жұптардың бірі Бүркіт пен Аиша екінші балаларының өмірге келуін күтіп жүр.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети