+7 (777) 001 44 99
Қазақша
Русский
English
Оралда өмір бойы жүргізуші куәлігінен айырылған тұрғын есірткі шегіп, көлік жүргізген, - деп хабарлайды Tengrinews.kz тілшісі "Мой город" порталына сілтеме жасап.
Батыс Қазақстан облысы полиция департаменті баспасөз қызметінің мәліметінше, 13 қазанда Шолохов және Тюленин көшелерінің қиылысында ВАЗ-2110 автокөлігі тоқтатылған. Көлікті 33 жастағы ер адам басқарған. Медициналық сараптаманың қорытындысына сәйкес ер адамның марихуана есірткісін шеккені анықталды.
"Осы жылдың 15 маусымында ер адам өмір бойы көлікті басқару құқығынан айырылған. Оған қатысты ҚР Қылмыстық кодексінің 346-бабы ("Көлік құралын жүргізу құқығынан айырылған, алкогольдік, есірткілік масаң күйдегі адамның көлік құралын басқаруы") бойынша сотқа дейінгі тергеу жүргізіліп жатыр", - делінген хабарламада.
Егер сотта ер адамның кінәсі дәлелденсе, оған 5 мың АЕК-ке дейін айыппұл салынуы немесе 5 жылға дейін бас бостандығынан айырылуы мүмкін.
Қазақстан жаңалықтары. Соңғы жаңалықтар. Telegram желісінде бізге жазыл!
