Ахметов Мәскеудегі танк биатлоны чемпионатына қатысушыларға сәттілік тіледі

16 Тамыз 2014, 14:04
0
Ахметов Мәскеудегі танк биатлоны чемпионатына қатысушыларға сәттілік тіледі - Фото tengrinews ©
Фото tengrinews ©

Мәскеудің "Алабино" полигонында өтіп жатқан танк биатлоны чемпионатына қатысушы қазақстандық танкистерге еліміздің Қорғаныс министрі Серік Ахметов сәттілік тіледі, - деп хабарлайды TengrinewsTV.

Шараның қорытынды кезеңі өтердің алдында Ахметов қазақстандық танк биатлоншыларымен кездесті. Ол кездесу барысында экипаж мүшелеріне сәттілік тіледі.

"Үздік экипаж жақсы марапатқа, қомақты сыйлыққа лайық. Негізінде барлық қатысушыларды марапаттау ойда бар. Бірақ ең үздік шыққандардың алатын сый-құрметі бөлек" - деді Ахметов танкистерге. 

Айта кету керек, бүгін өз мәресіне жететін танк биатлоны чемпионатында Қазақстан құрамасы екінші орында тұр. Қазақстандықтар тек Ресей командасына ғана есе жіберуде. Үшінші орында ҚХР, ал төртінші орында Армения құрамасы тұр. Чемпионат ережесі бойынша бірінші төрттікте тұрған құрамалар жеңімпаз саналады.

Еске салайық, "Танк биатлоны-2014" бірінші әлем чемпионатына 12 елдің командасы келген. Олар: Қытай, Кувейт, Моңғолия, Қырғызстан, Беларусь, Үндістан және тағы басқа елдер. Жарыс төрт бөлімнен тұрады. Әр қатысушы командадан үш экипаж қатысуда. Олардың барлығы жарыста ресейлік Т-72Б танктерімен бақ сынауда.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай