Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Алматыда ауыр атлетикадан өтетін әлем чемпионатына Олимпиадалардың 9 чемпионы қатысады

29 Қазан 2014, 14:22
0
Олимпиада ойындарының чемпиондары - Светлана Подобедова, Майя Манеза, Зүлфия Чиншанло және Олимпиаданың күміс жүлдегері Мария Грабовецкая. Фото ҚР ауыр атлетика федерациясының сайтынан алынды
Олимпиада ойындарының чемпиондары - Светлана Подобедова, Майя Манеза, Зүлфия Чиншанло және Олимпиаданың күміс жүлдегері Мария Грабовецкая. Фото ҚР ауыр атлетика федерациясының сайтынан алынды

Алматыда өтетін ауыр атлетикадан әлем біріншілігіне тоғыз Олимпиада чемпионы қатысады, - деп хабарлайды Vesti.kz.

Бұл бәсекеде Қазақстан намысын Олимпиада ойындарының чемпиондары - Зүлфия Чиншанло, Майя Манеза, Светлана Подобедова және Илья Ильин қорғайды. Сондай-ақ Алматыда өтетін додаға КХДР-ның зілтеміршілері Ом Юн Чоль, Ким Ун Гук, Рим Чон Сим, польшалық ауыр атлет Адриан Зелинский және ирандық спортшы Бехдад Салимикордашиаби қатысады. Әлем біріншілігіне қатысатын өзге де спортшылар туралы мына жерден оқи аласыздар. 

Айта кетейік, бұл әлем біріншілігі барысында қазақстандық спортшылар бұрын-соңды болмаған нәтижеге қол жеткізуі мүмкін. Тарқатып айтсақ, Илья Ильин егер Алматыда топ жаратын болса, онда ауыр атлетикадан әлемнің төрт дүркін чемпионы атанады. Бұған дейін қазақстандық зілтеміршінің өзі де алдағы әлем біріншілігінде алтын аламын деп сеніммен айтқан еді. Қазақстан құрамасының өзге үш спортшысы - Зүлфия Чиншанло, Майя Манеза және Светлана Подобедовалар - бүгінде әлемнің екі дүркін чемпиондары. Егер бұл біріншілікте топ жаратын болса, олар бұл атақты үшінші рет иеленеді.

Еске салайық, ауыр атлетикадан әлем чемпионаты 8 және 16 қараша аралығында Алматының Балуан Шолақ атындағы спорт сарайында өтеді. Әлем біріншілігін KazSport арнасы тікелей эфирде көрсетеді. Билеттердің құны - 500 теңге мен 15 000 мың теңгенің аралығында.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай