+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы қаласында жағажай волейболынан чемпионат мәреге жетті. Оңтүстік астанадағы жоғары оқу орындары арасында ұйымдастырылған сайыста Қазақ ұлттық қыздар педагогикалық университетінің студенттерінен құралған команда жеңімпаз атанды, - деп хабарлайды Тengrinews.kz тілшісі оқу орнының ресми өкілі Жандар Асанға сілтеме жасап.
Алматы қаласында жағажай волейболынан чемпионат мәреге жетті. Оңтүстік астанадағы жоғары оқу орындары арасында ұйымдастырылған сайыста Қазақ ұлттық қыздар педагогикалық университетінің студенттерінен құралған команда жеңімпаз атанды, - деп хабарлайды Тengrinews.kz тілшісі оқу орнының ресми өкілі Жандар Асанға сілтеме жасап.
Оның ақпаратына сүйенер болсақ, аталған спорт түрінен өткен студенттік лига ойындарында 12 жоғары оқу орнының спортшылары баптары мен бақтарын сынаған.
"Олимпиадалық ереже бойынша жүргізілген жарыстың іріктеу кезеңінде Қыздар университетінің құрамасы қарсыластарына есе жібермей жартылай финалға жолдама алды. Жартылай финалда оқу орнының командасы Қазақ спорт және туризм академиясының волейболшыларымен кездесті. Тартысты өткен ойында педагогикалық университеттің бойжеткендерінің асығы алшысынан түсіп, 1:2 есеп нәтижесімен жеңіске жетті", - деп атап өтті Жандар Асан.
Финалда Қазақ ұлттық қыздар педагогикалық университеті мен Абылай хан атындағы Қазақ халықаралық қатынастар және әлем тілдері университетінің спортшылары өзара мықтыны анықтады. Алтын медаль үшін өткен ойында арулар ордасының волейволшыларының айы оңынан туып, жеңіс тұғырына көтерілді. Есеп - 2:1, 5:4, 15:10, 16:14.
"Айта кетейік, Қыздар университетінің құрама командасын жарысқа Дене шынықтыру және спорт кафедрасының аға оқытушысы, волейболдан ҚР спорт шебері Сәуле Нұрпейісова дайындады. Бұл жағажай волейболынан педагогикалық білім ордасының ең ірі жетістіктерінің бірі екендігін атап өткен жөн", - дейді оқу орнының ресми өкілі.
