+7 (777) 001 44 99
Қазақша
Русский
English
Қазақша
Русский
English
22 тамызда Алматының Мәдениет және демалыс орталық саябағында Street workout жаттығуларына арналған алаң ашылады, - деп хабарлайды Tengrinews.kz тілшісі.
.jpg)
Алаң ашуды қолға алған World Class Almaty фитнес-клубы өкілдерінің хабарлауынша, оның аумағы 400 шаршы метр болады. Жаттығу алаңы көп белтемірмен, қырлы бөренелермен, шығыршықтармен, швед қабырғаларымен, басқа да қажетті нысандармен жабдықталады. Келешекте бұл жерде жоғары білікті мамандар қызмет ететін болады. Олар Street workout алаңында шеберлік дәрістерін өткізіп, дұрыс тамақтану жөнінде кеңестер береді.
"Осы мақсат үшін Squad тобы әдейі құрылды, олар Street workout жаттығуларын белсенді дамытпақ. Сөйтіп, өскелең ұрпаққа дұрыс үлгі көрсететін болады", - дейді ұйымдастырушылар.
Жуырда Сейфуллин даңғылы мен Мақатаев көшелерінің қиылысындағы ТРЦ MEGA-park-те тағы бір алаң ашылады. Сонымен бірге, келешекте "Шахристан" және "29 Квартал" тұрғын үй кешендері аумағында да Street workout кешендерін орнату жоспарда бар. Бұл алаңдарды халықтың кез келген бөлігі пайдалана алады. Еске сала кетейік, осы жылдың мамыр айында World Class Almaty клубы Mega Center Alma-Ata сауда - ойын-сауық орталығы аумағында Street workout алаңын ашқан болатын.
