26 қараша 2015 | 10:25

"Астана" - "Бенфика" матчының ең үздік ойыншылары аталды

Чемпиондар лигасының топтық кезеңінің бесінші турының аясындағы "Астана" - "Бенфика" кездесуінің ең үздік ойыншылары анықталды, - деп хабарлайды Vesti.kz.

Чемпиондар лигасының топтық кезеңінің бесінші турының аясындағы "Астана" - "Бенфика" кездесуінің ең үздік ойыншылары анықталды, - деп хабарлайды Vesti.kz.

Goal.com сайтының нұсқасы бойынша, қазақстандық клубтың құрамында жартылай қорғаушы Патрик Твумаси, шабуылшы Жуниор Кабананга және қорғаушы Марин Аничич ерекше көзге түсті. "Бенфика" қақпасына гол соққан Твумаси мен Аничичке бес балдық шкала бойынша 3,5 балдан берілді. Кабананга да дәл осындай бағаға ие болды.

Кездесудің ең үздік ойыншысы португалиялық Рауль Хименес атанды. "Астанамен" болған ойында дубль жасаған ол 4 балға ие болды.

Еске сала кетейік, матч 25 қараша күні Астана қаласында болды. Кездесу 2:2 есебімен аяқталды. Чемпиондар лигасының топтық кезеңінің соңғы ойынын "Астана" 8 желтоқсан күні "Галатасарай" клубына қарсы өткізеді.

қазақша жаңалықтар сайты қазақ тілінде жаңалықтар соңғы жаңалықтар Португалия Астана ФК Астана

TENGRI travel