Атыраулық файтер Jayynger чемпиондық белбеуінің иегері атанды

29 Қыркүйек, 16:41
0
Атыраулық файтер Jayynger чемпиондық белбеуінің иегері атанды -

Атыраулық спортшы Әбіл Ғалиев 64 келі салмаққа дейінгі категорияда тайлық қарсыласын жеңіп, Jayynger чемпиондық белбеуінің және қомақты ақшалай сыйлықтың иегері болды , - деп хабарлайды Тengrinews.kz тілшісі Атырау облысының өңірлік коммуникациялар қызметіне сілтеме жасап.

25-28 қыркүйек аралығында Атырауда Qazaqstan Jastar Fest атты спорттық фестиваль өтіп жатыр. Төрт күндік фестивальдің ең маңызды оқиғасы - аралас жекпе-жек бойынша Gorilla Fighting Champioship 17 әлемдік турнирі болды. Хабиб және Абдулманап Нурмагомедов, Ислам Махачев, Забайра Тухугов, олимпиада чемпиондары Роман Власов, Тагир Хайбуллаев және белгілі қазақстандық спортшылар Максим Раков, Сергей Морозов, Дамир Исмагулов и​ Шавхат Рахмонов шараға құрметті қонақ ретінде қатысты.

Шарада​ Атырау облысы әкімі Нұрлан Ноғаев құттықтап, сөз сөйледі.
"Жастар арасында спортты насихаттауда бұндай шаралардың маңызы зор. Сегіз елден ең мықты, үздік спортшылар қатысып отыр. Спортшылармыз ел намысын лайықты қорғап жүр. Жарыста кім мықты – сол жеңеді. Ал, өңірдің тұрғындары мен қонақтары қызықты да тартысты ойындардың куәсі болып отыр. Сіздердің жетістіктеріңіз жастарды спортпен шұғылдануға ынталандырады", - деді өңір басшысы.

​Турнирдің қорытындысымен Атыраудың 5 өкілі қарсыластарынан басым түсті. Көрермендер барлығы 10 жекпе-жекті тамашалады, соның ішінде 3-і муай-тай бойынша. Бұл жекпе-жектердің рейтингісі неғұрлым жоғары болды, себебі ​ спортшылар Jayyngerпромоушені бойынша үш чемпиондық белбеуге таласты. Айта кетейік, Jayynger-дің негізін Қазақстанның жауынгерлік өнерлер ассоциациясы қалаған болатын.

Фестиваль бүгін, 28 қыркүйекте сағат 19.00-де Исатай және Махамбет алаңындағы концертпен аяқталады. Шара барысында тұрғындар мен ​ өңірдің қонақтары ұлттық ойындарға қатыса алады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай