01 қыркүйек 2018 | 17:00

Азиада-2018: Қазақстан боксшыларына алтын медаль бұйырмады

75 келіге дейінгі салмақта жұдырықтасқан Әбілхан Аманқұл Индонезияда өтіп жатқан Азия ойындарындағы 16-ншы күміс жүлдені салды, - деп хабарлайды Tengrinews.kz тілшісі Vesti.kz порталына сілтеме жасап.

75 келіге дейінгі салмақта жұдырықтасқан Әбілхан Аманқұл Индонезияда өтіп жатқан Азия ойындарындағы 16-ншы күміс жүлдені салды, - деп хабарлайды Tengrinews.kz тілшісі Vesti.kz порталына сілтеме жасап.

Боксшының финалдағы қарсыласы өзбекстандық Исраил Мадримов болды. Үш раундтың қорытындысы бойынша 3:2 (27:28, 27:28, 28:27, 29:26, 28:27) есебімен жеңіс өзбек спортшысына берілді.

Индонезияда өтіп жатқан Азия ойындарында 69 келіге дейінгі салмақ дәрежесінде жұдырықтасқан тағы бір қазақстандық боксшы Асланбек Шымбергенов өзбек боксшысынан жеңілді. Алтын медаль үшін өткен кездесуде отандасымыз өзбекстандық Бобо-Усмон Батуровпен кездесті. Кездесу 3:1 (28:28, 29:27, 27:29, 29:27, 29:27) есебімен өзбекстандық спортшының пайдасына шешілді.

Осылайша, Қазақстан құрамасының қоржынында 71 медаль бар: 13 алтын, 16 күміс және 42 қола. Жалпы командалық есепте Қазақстан тоғызыншы орында.

соңғы жаңалықтар Бокс Азиада

TENGRI travel