+7 (777) 001 44 99
Қазақша
Русский
English
Қазақстандық Юсуп Батырмырзаев Токио Олимпиадасының еркін күрес жарысында алғашқы қарсыласынан жеңіліп қалды, - деп хабарлайды Tengrinews.kz тілшісі.
125 келіге дейінгі салмақта белдесетін Батырмырзаевтың алғашқы қарсыласы германиялық Геннадий Чудинович болды. 1/8 финалдағы кездесуде қазақстандық балуан қарсыласын 10:0 есебімен жеңіп жатып, жеңіліп қалды.
Юсуп Батырмырзаев Ресейдің Махачкала қаласында туған, жасы 25-те. Бірақ кейін Қазақстан азаматтығын алып, ел намысын қорғай бастады. Былтыр Азия чемпионатында алтын медаль алған.
Еске салайық, қазір Қазақстан қоржынында төрт медаль бар. Бұған дейін дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын. Ал кеше боксшы Қамшыбек Қоңқабаев та жартылай финалда жеңіліп, қола жүлде алған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
