17 сәуір 2016 | 14:35

Бауыржан Байбек спорттағы шеберлігін көрсетті

Алматы әкімі Бауыржан Байбек стритболдан қалалық чемпионатты ашу кезінде спорттық шеберлігін танытты, - деп хабарлайды Tengrinews.kz тілшісі. Әкім қоржынға бірнеше рет доп салып, серіктесіне шебер пас берді.

Алматы әкімі Бауыржан Байбек стритболдан қалалық чемпионатты ашу кезінде спорттық шеберлігін танытты, - деп хабарлайды Tengrinews.kz тілшісі. Әкім қоржынға бірнеше рет доп салып, серіктесіне шебер пас берді.

"Стритболдан жаңа маусымның ашылуымен баршаңызды құттықтаймын. Өздеріңіз білесіздер, спорттың бұл түрі бүкіл әлемде кеңінен тараған. Менің ойымша, ол Алматы жастарының арасында да кеңінен тарала түседі, себебі біздің жастар өте талантты әрі спортқа құштар", - деді Бауыржан Байбек спортшыларға.

Турнирге 32 команда қатысып жатыр. Стритболдан жарыс әр демалыс күндері сайын қаланың барлық аудандарындағы түрлі спорт алаңдарында өтетін болады. Чемпиондар биыл күзде анықталады. Стритболдан өтіп жатқан бұл чемпионат Алматының мың жылдығына арналады.

Сонымен қатар, Бауыржан Байбек қалалық дәстүрлі веложарысқа қатысты, оның жалпы ұзындығы 18 шақырымға жетті. Жарыс сағат 09.00-де әл-Фараби даңғылымен "Нұрлы Тау" бизнес орталығынан басталып, Сайын мен Райымбек көшелерінің қиылысында орналасқан "Прайм Плаза" сауда орталығының аумағында аяқталды.

қазақша жаңалықтар сайты қазақ тілінде жаңалықтар соңғы жаңалықтар Бауыржан Байбек Алматы