Денис Тен ел қоржынына Универсиаданың оныншы алтын медалін салды

Ардақ Құлтаев

Денис Тен. © almaty2017.com

Қазақстандық мәнерлеп сырғанаушы, Сочи Олимпиадасының қола жүлдегері Денис Тен Алматыда өтіп жатқан қысқы Универсиаданың алтын медалін жеңіп алды, - деп хабарлайды Vesti.kz тілшісі. Айта кетейік, бұл Қазақстанның оныншы алтын медалі.

Қазақстандық мәнерлеп сырғанаушы, Сочи Олимпиадасының қола жүлдегері Денис Тен Алматыда өтіп жатқан қысқы Универсиаданың алтын медалін жеңіп алды, - деп хабарлайды Vesti.kz тілшісі. Айта кетейік, бұл Қазақстанның оныншы алтын медалі.

Жалғасы

■

Денис Тен өзін режиссер ретінде көргісі келетінін айтты

11 ақпан 2017, 13:19

Денис Тен қысқа бағдарлама бойынша 94,91 ұпай нәтижесімен көш бастап тұрған. Ал еркін бағдарламада төрешілер қазақстандыққа 172,06 ұпай берді. Екі бағдарламаның қорытындысы бойынша, Тен 266,97 ұпай жинап, бірінші орын алды.

Күміс медаль жапон мәнерлеп сырғанаушысы Кэйдзи Танакаға бұйырса (252,09), қола медальді швециялық Александр Майоров (246,56) алды.

Тағы бір қазақстандық мәнерлеп сырғанаушы Абзал Рахымғалиев еркін бағдарламада 11-орында (68,25 ұпай) келе жатқан, ал қорытындысында 12-орынға тұрақтады (204,23 ұпай).

Осылайша Қазақстан құрамасының қоржынында 10 алтын медаль, екі күміс медаль және тоғыз қола медаль бар.